Alikálfakjöt

Kálfakjöt er bragðgott og meirt, það er ljósara og bragðminna en nautakjöt og mun mýkra og því hægt að nýta nánast alla vöðva í steikur.

Kjötið er alveg hreint, þ.e. engin lyf, vatn eða önnur íblöndunarefni.

Okkar kálfar fá ótakmarkaða mjólk til 3 mán aldurs og kálfamúsli, allan tíman hey, kálfaköggla og vatn. Fer eftir árstíma með útivistina en þeir fara út hjá okkur í byrjun sumars og við hættum að hleypa út í desember. Kálfarnir vilja ekki vera í vindi eða bleytu og sækja þá inn í hús – Því ganga þeir við opið og fara þá inn og út að vild. Við reynum að láta þeim líða sem best á meðan þeir eru hjá okkur. En þeir eru að fara frá okkur ca 10-12 mán.

Kjötið kemur vacumpakkað og fryst. SS á Selfossi og sláturhúsið á Hellu, sjá um pökkun og vinnslu fyrir okkur.

Ýmsar upplýsingar um kjöt og eitthvað af myndum eru fengnar úr kjötbókinni.