Pakkinn inniheldur:

Ull er gull - Í haust þegar kindurnar voru rúnar sendum við hluta af lambsullinni okkar til Uppspuna spunaverksmiðju og er hún nú komin til baka í dýrindis 2 þráða garni sem er álíka í þykkt og léttlopi en mun mýkra og sterkara.  Garnið nefnum við Brekku(g)ULL, til að byrja með verðum við aðeins með sauðalitina en komum svo til með að gera tilraunir með litun líka fljótlega – fæst í 50 g hespum sem er ca 100m – mælum með að nota prjóna nr 3,5-4,5

Þetta er ullin hennar Salt sem var hvít.  Enn þær systur Salt og Pipar voru settar á haustið 2021 en þær eru kollóttar undan Krullu okkar sem var ein af fyrstu 6 kindunum sem við fengum hér á Lindarbrekku haustið 2015.  

Því miður misstum við Salt í vor , hún lenti í því að legið fór út að stórum hluta þegar hún var að fara að bera, var brunað með hana til dýralæknis sem tók hana í keisaraskurð og er hún mamma hans Kóngs "Keisara" sem var lambakóngur í vor enda var þetta í lok apríl,   Hún náði sér ekki á strik eftir þetta. 

Kóngur var því inni í bæ fyrstu 2 vikurnar sínar mjög slappur en náði sér á strik og hélt um tíma að Askur (hundur) væri mamma sín, hér má sjá video af þeim "feðgum"  

https://www.facebook.com/lindarbrekkubuid/videos/1158730121543879

https://www.facebook.com/watch/?v=5067431670013679